Tjetër aksident me vdekje në Durrës, humb jetën një 22-vjeçar

Një tjetër aksident me vdekje ka ndodhur pasditen e sotme në Durrës. Pas djalit 16 vjeç, humb jetën një 22-vjeçar.

Ngjarja ka ndodhur te Ura e Dajlanit.

Dyshohet se i riu ka pësuar atak kardiak dhe ka humbur kontrollin e automjetit duke u përplasur në anë të rrugës.

‘Rreth orës 20:45, në lagjen nr. 4 Durrës, tek “Ura e Dajlanit”, automjeti me drejtues shtetasin A. H., 22 vjeç, është përplasur lehtë me trafik ndarësen.

Nga veprimet e para dyshohet se drejtuesi i automjetit ka pësuar arrest kardiak gjatë drejtimit të automjetit dhe për pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes’, njofton policia.